Aqtóbede sýyq tıip aýyrǵandar sany eki ese kóbeıdi

AQTÓBE. QazAqparat – Aqtóbede sońǵy aıda 1700-den astam adam JRVI-ge shaldyǵyp, em qabyldady. Onyń teń jartysyna jýyǵy - 14 jasqa tolmaǵan bala, dep habarlaıdy QazAqparat tilshisi.

Aqtóbede apta saıyn aýyryp, em izdegen adamdar sany artyp otyr. Sońǵy bir aıda júkti áıelder arasynda 125 jaǵdaı tirkelgen.

JRVI-men aýyrǵan 293 adam aýrýhanaǵa jatqyzyldy, onyń ishinde 69 júkti áıel jáne 1 jasqa deıingi 73 bala.

«Polımerazdy tizbek reaktsııasy ádisimen 446 synama zerttelip, onyń 126 (28,2%) oń nátıje kórsetti. Tumaýdyń V tıpi jáne A tıpi anyqtaldy. Tumaý juqtyrǵan 87 adam aýrýhanaǵa jatqyzyldy, onyń ishinde 55-i júkti áıel. Tumaýǵa qarsy barlyǵy 143 217 adam egildi. Oblys halqynyń jalpy sanynyń úles salmaǵy 15,7% qurady», - dedi Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.

Aqtóbe oblystyq densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, tumaýǵa qarsy vaktsına úshin bıýdjetten 100 mln teńgeden astam qarjy bólingen. Vaktsına Reseıden ákelindi.

Aldymen medıtsına, bilim, áleýmettik sala qyzmetkerleri men quqyq qorǵaýshylar vaktsına saldyrdy.

Dıspanserlik esepte turǵan adamdar da ekpe qabyldady.

«Qazirgi kezde 100-den astam adam aýrýhanada jatyr. Onyń 86-y - bala. Týabitti sal aýrýyna shaldyqqan bir bala jansaqtaý bóliminde. Jaǵdaıy turaqty aýyr. Ótken jylmen salystyrǵanda JRVI-ǵa shaldyqqandar sany eki ese artty. Kóbine ımmýnıteti álsiz toptarǵa qıyn. Sondyqtan vaktsına saldyrýǵa shaqyramyz. Vaktsına barlyq emdeý mekemesinde bar», - dedi Bekbolat Іzbasarov.

Aıta keteıik, oblysta barlyǵy 180 myńnan astam adamǵa tumaýǵa qarsy vaktsına saldyrý josparlanyp otyr.