Aqtóbede sýǵa ketý qaýpi bar aýylda egizder ómirge keldi

<p>AQTÓBE. KAZINFORM - Yrǵyz aýdany Nura aýylynda ómirge kelgen sábıler anasymen birge aýdan ortalyǵyna jetkizildi. Olar tikushaqpen tasymaldandy.</p>

Aqtóbe oblysy TJD baspasóz qyzmetiniń habarlaýynsha, Yrǵyz aýdanyn aerovızýaldy tekserý kezinde evakýatsııalanǵandar arasyndaǵy jas ana men jańa týǵan egizderge kómek kórsetildi.

Foto: Aqtóbe oblystyq Densaýlyq saqtaý basqarmasynyń baspasóz qyzmeti

- Jańa týǵan náresteler qaýipsiz aımaqta. Olardyń anasy T.Bıgeldınov atyndaǵy áskerı ushý ınstıtýty jáne TJM qyzmetkerlerine alǵystaryn bildirdi, - dep habarlady Aqtóbe oblysy TJD baspasóz qyzmeti.

Jas anany Nura aýylyndaǵy jalpy tájirıbeli dáriger Sáýle Sataeva bosandyryp alǵan. 

- Bul jas ananyń altynshy balasy. Báriniń jaǵdaıy jaqsy. Qazir Yrǵyz ortalyq perzenthanasynda jatyr. Bireýiniń salmaǵy - 2 800, ekinshisiniń salmaǵy - 3050 gramm, - dedi Yrǵyz aýdandyq perzenthanasynyń akýsher-gınekologi Kámshat Sársenǵalıeva. 

Aıta keteıik, buǵan deıin Aqtóbe oblysynda qansha úıge sý kirgeni týraly jazǵan bolatybyz.