Aqtóbede sý tasqyny bolǵan eki aýdandaǵy aýyldarda daýys berý merziminen buryn aıaqtalýy múmkin
Aqtóbe oblysy ákimi baspasóz qyzmetiniń habarlaýynsha, Qobda aýdanyndaǵy Jaryq, Ortaq, Qanaı, Kókúı, Qoǵaly, Sarbulaq, Baıtaq aýyldarynyń joly, Egindibulaq aýylynyń kópirin sý shaıyp ketken. Degenmen aýdan ortalyǵymen qaıyq arqyly qatynas ornatyldy. Keı jerlerde aınalma jol bar.
«Qobda aýylynda 16, Oıylda 3 saılaý ýchaskesinde merziminen buryn daýys berýdi aıaqtaýdy josparlap otyrmyz. ıAǵnı turǵyndar túgel tańdaýyn jasaǵan kezde ǵana. Bul aýyldarda sý tasqyny bolyp, qatynas ýaqytsha shekteldi. Sondyqtan daýys berý aıaqtalǵan soń hattamany tótenshe jaǵdaılar qyzmetiniń arnaıy tehnıkasymen aýdan ortalyǵyna jetkizemiz. Báriniń janynda polıtsııa qyzmetkerleri bolady»,- dedi oblystyq saılaý komıssııasynyń tóraǵasy Nurlybek Júsipov.
Aıta keteıik, Aqtóbe oblysy boıynsha 525 saılaý ýchaskesi jumys istep tur. Onyń ishinde 14-i jabyq saılaý ýchaskesi. Oblystaǵy barlyq saılaýshynyń sany - 562 590 adam. Jasy 18-ge tolyp, saılaýǵa alǵash qatysatyn azamattar sany – 3579. QR Parlamenti Májilisine № 10 bir mandattyq okrýginen saılaýǵa 11 kandıdat tústi.
«Ortalyq saılaý komıssııasy saılaýdy baıqylaýǵa 14 úkimettik emes uıymdy akkredıttedi. Onyń ishinde Aqtóbede 5 qoǵamdyq birlestiktiń fılıaly bar. Barlyǵy 2499 baıqaýshy qazir baqylaý jumysyn júrgizip júr», - dedi Nurlybek Júsipov.