Aqtóbede sý tasqyny kezinde jaramsyz kúıge túsken kópir janynan ýaqytsha jol salyndy

<p>AQTÓBE. KAZINFORM - Aqtóbede Qandyaǵash-Embi-Shalqar-Yrǵyz baǵytyndaǵy joldyń Qandyaǵash-Embi qalalary aralyǵy qoldanysqa berildi. Munda joldy sý shaıyp, kópir de jaramsyz kúıge túsken edi.</p>

Kóktemgi sý tasqyny kezinde Aqtóbede barlyǵy 136 shaqyrym jol men 15 kópir zaqymdandy. 

Sonyń eń irisi Embi men Oıylda ornalasqan. Qazirgi kezde Oıylda aınalma jol salý jumysy júrip jatyr. Onda ponton kópir qoldanysta bar. Al respýblıkalyq mańyzy bar "Qandyaǵash-Embi-Shalqar-Yrǵyz" avtomobıl jolynyń 3-92 shaqyrymyndaǵy Qandyaǵash - Embi qalalary aralyǵynda jol ýchaskesi ashyldy. 

Aqtóbe oblysy ákiminiń baspasóz qyzmetiniń habarlaýynsha, sý tasqyny kezinde jaramsyz bolyp qalǵan kópirde buǵan deıin kólik qatynasy ýaqytsha toqtaǵan. «QazAvtoJol» fılıalynyń basshysy Aıbol Danaǵuldyń sózinshe,47 jyl buryn paıdalanýǵa berilgen kópir qaıta qalpyna keltirilmeıdi. «QazjolǴZI» mekemesi mamandarynyń buǵan qatysty sheshimi de bar. Kópirdiń janynan jańasy salynady.

Foto: Aqtóbe oblysy ákiminiń baspasóz qyzmeti