Aqtóbede sý ortasynda qalyp, tikushaq suraǵan aýyldyń halqyn kóshirip jatyr
Oıyldyń Qaratal (Sh.Bersıev) aýylynyń turǵyndary aýdan ortalyǵyndaǵy evakýatsııalyq pýnktilerge ornalastyrylyp jatyr.
Oıyl aýylyndaǵy sport mektebi, agrarlyq kolledj jáne 38 úı evakýatsııalyq pýnkt retinde uıymdastyrylǵan.
Bul oryndarǵa osy aýyl turǵyndary kóshiriledi. Tósek-oryn, gıgıenalyq zattar, tamaqtandyrý jaǵy qarastyrylǵan.
«Sondaı-aq, dárigerlik kómek qajet bolsa aýdandyq aýrýhananyń barlyq qyzmetkerleri ázir. Medıtsınalyq qural-jabdyqtary men dári-dármekter bar. Aqtóbe oblystyq balalar aýrýhanasynyń reanımatolog, hırýrg, pedıatrlarymen birge, № 2 Aqtóbe qalalyq emhananyń bas psıhology da evakýatsııalyq pýnktke bardy, — dep habarlady Aqtóbe oblysy ákiminiń baspasóz qyzmeti.
Aıta keteıik, keshe keshkilik turǵyndar jaryǵy, jylýy, sýy joq mektep qalǵanyn habarlap, kómek surady.
Keıin úsh tikushaq jiberý jóninde sheshim qabyldandy.