Aqtóbedegi sý bógetinde balyq qyrylyp jatyr

<p>AQTÓBE. KAZINFORM - Alǵa aýdanyndaǵy Kósem bógetinde balyq qyryldy. Ekologtar sýdan synama aldy.</p>

Aqtóbe oblysy Alǵa aýdanynda balyq qyrylyp, oqıǵa ornyna osy salaǵa jaýapty mekeme mamandary túgel bardy. 

- Veterınarııa qyzmetiniń mamandary baryp, balyqtan synama aldy. Ázirge sebebi belgisiz. Biz de baryp qaradyq. Bul jer balyq sharýashylyǵynda mańyzy bar sý aıdyndarynyń tiziminde joq. Kósem bógeti dep turǵyndar atap ketken. Eset batyr aýylyna jaqyn mańda ornalasqan. Derek 12 qarasha kúni tirkelip, 13 qarashada mamandar sol jerge bardy,- dedi Tobyl-Torǵaı oblysaralyq basseındik balyq sharýashylyǵy ınspektsııasy basshysynyń orynbasary Bereke Toǵaev.

Aqtóbe oblystyq ekologııa departmenti basshysynyń orynbasary Talap Usnadınniń habarlaýynsha, bógettegi sýdan synama alyndy. Ázirge onyń nátıjesi shyqpady.

Eske salsaq, Aýyl sharýashylyǵy mınıstrligi Kaspıı teńizinde qyrylǵan ıtbalyqtardy zertteýge qatysty aldyn ala málimetti jarııalady. Balyq sharýashylyǵy komıteti tabıǵı qubylystar, sonyń ishinde sý astyndaǵy jer silkinisi saldarynan tabıǵı gazdar shyǵaryndylary sebep bolýy múmkin dep boljaıdy.