Aqtóbede sý berilmegen kópqabatty úı turǵyndary qar eritip jatyr

<p>AQTÓBE. KAZINFORM &ndash; Aqtóbe qalasyndaǵy Altyn orda turǵyn alabyna áli de sý berilmedi. Turǵyndar sý ornyna qar eritýge májbúr.</p>

Aqtóbe oblysyndaǵy boran kezinde elektr jelileri isten shyǵyp, sý toǵandarynda jumys ýaqytsha kidirdi. Saldarynanyń qalada birneshe turǵyn alabynyń halqy sýsyz qaldy. Qazirgi kezde Altyn orda turǵyn alabyndaǵy 35 kópqabatty úıde osyndaı problema kezdesip otyr.

- Aýa raıynyń qolaısyzdyǵyna baılanysty sýmen qamtýda kemshilikter boldy. Jumys kúni-túni atqaryldy. Qazir kemshilikter joıyldy. Búginde barlyq nasos, sý jelileri jumys istep tur. Altyn orda aýdanynda shaǵym tústi. Nasos iske qosylǵanymen, gıdravlıkalyq qysym mańyzdy. Qalpyna kelý úshin birneshe saǵat kerek bolady. Shamamen 35 úıge sý jetpedi. Búgin keshke deıin sý barady, - dedi «Aqtobe su-energy group» AQ bas ınjeneri Amangeldi Boranqulov. 

Aıta keteıik, buǵan deıin qansha aýyldyń, qansha abonenttiń sýsyz otyrǵany naqty aıtylmady. Aqtóbe qalasynda úsh sý toǵany bar. Olar: Qudaqtyqyr, Tamdy jáne tómengi Qalǵaly sý qoımasy. Sol úsh sý toǵanynyń ekeýinde jaryq sónip, sý berý qıyndaǵan. 

Eske salsaq, Aqtóbe oblysynyń ákimi Ashat Shaharov óz beınejazbasynda sýmen qamtý boıynsha «Tómengi Qarǵaly» jáne «Tamdy» toǵandary, qalanyń sý tazartý nysandarynyń jumysy qalpyna keltirilgenin aıtty.