Aqtóbede sý basqan shalǵaı aýyldy polıtsııa kúzetip júr

<p>AQTÓBE. KAZINFORM &ndash; Aqtóbe oblysy boıynsha sý basqan aýyldardy áli kúnge deıin polıtsııa kúzetip júr. Munda polıtsııa qyzmetkerleri kezekshilikpen jumys isteıdi.</p>

Aqtóbe oblysy boıynsha qazir tek Yrǵyz aýdanynyń úsh aýylynda sý qaıtqan joq.

Sondyqtan Nura, Mamyr, Belsher aýyldarynda polıtsııa kúzeti jalǵasyp jatyr. 

Foto: Altynaı Saǵyndyqova/Kazinform

— Nura aýylynda 1300-den astam adam turady. Onyń Túbek aýmaǵynda 55, Shtab aýmaǵynda 45 úı bar. Halyq mal sharýashylyǵymen aınalysady. Bári bir-birin tanıdy. Kóktemgi sý tasqyny kezeńi bastalǵanda biz bóget bekitýge, salýǵa jumystaryna qatystyq. Sodan keıin evakýatsııalaý jumysy júrdi. Qazir mundaǵy qaýipsizdik men dúnıe-múliktiń bútindigi úshin qyzmet etip júrmiz. Aýylǵa bógde adam kirmeıdi. Ózimiz sol aýyl mańyndaǵy shatyrda qonamyz. Joldan ári-beri ótkenderdi qarap, baǵyttap otyramyz, — dedi Yrǵyz aýdany Nura selolyq okrýginiń ýchaskelik ınspektory Aıdyn Beısenbaev.

Nura aýylyndaǵy jumys 30 naýryz kúni bastalyp, búginge deıin jalǵasyp jatyr.

Munda keıbir joldardy sý shaıyp, qatynas qıyndaǵan. Polıtsııa sol mańda adamdarǵa eskertý jasaıdy. 

Aqtóbe oblystyq PD baspasóz qyzmetiniń habarlaýynsha, sý tasqyny kezinde qutqarý, evakýatsııalaý jáne kúzetý qyzmetine barlyǵy 300-den astam polıtsııa qyzmetkeri jumyldyryldy.