Aqtóbede sport mektebindegi bala óliminen soń eki tárbıelenýshi qamaýǵa alyndy

<p>AQTÓBE. KAZINFORM — Eset batyr atyndaǵy olımpıada rezerviniń oblystyq mamandandyrylǵan mektep-ınternat-kolledjindegi oqýshy qazasynan soń eki tárbıelenýshi kúdikke iligip, qamaýǵa alyndy. Úsh qylmystyq is qozǵaldy.</p>

Eset batyr atyndaǵy olımpıada rezerviniń oblystyq mamandandyrylǵan mektep-ınternat-kolledjindegi oqýshy óliminiń soń Qylmystyq kodekstiń «buzaqylyq», «densaýlyqqa qasaqana aýyr zııan keltirý» baptary boıynsha is qozǵaldy.

Sonymen birge sport mektebiniń pedagogteri men basshylyǵynyń mindetterine adal qaramaý deregi boıynsha da tergeý júrip jatyr. 

— Qazirgi tańda kúdiktiler retinde osy mekteptiń eki tárbıelenýshi tutqyndalyp, ýaqytsha ustaý ızolıatoryna qamaýǵa alyndy. Tıisti saraptamalar taǵaıyndaldy. Sotqa deıingi tergep-tekserý jumystary jalǵasyp jatyr, — dedi Aqtóbe oblystyq PD baspasóz qyzmetiniń jetekshisi Erbolat Sarqulov. 

Aıta keteıik, 11 sáýir kúni saǵat 21:30–da sport mektebiniń 8-synyp oqýshysy kóz jumdy.