Aqtóbede skýter mingen 18 jáne 20 jastaǵy jigit jol apatynan kóz jumdy

<p>AQTÓBE. KAZINFORM &ndash; Aqtóbede skýter júrgizýshisi jol jıeginde turǵan júk kóligine soqtyǵysty. Jol apatynan 18 jáne 20 jastaǵy eki jigit kóz jumdy.&nbsp;</p>

Oqıǵa ​5 qazan kúni saǵat 4:45-te Aqtóbe qalasy Rıahov kóshesinde boldy. Oblystyq PD baspasóz qyzmetiniń habarlaýynsha, skýterdiń 18 jastaǵy júrgizýshisi jol jıeginde turǵan KamAZ júk kóligine soqtyǵysqan.

– Jol-kólik oqıǵasynan skýter júrgizýshisi men 20 jastaǵy jolaýshy oqıǵa ornynda qaıtys boldy. Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý faktisi boıynsha sotqa deıingi tergep-tekserý bastaldy. Polıtsııa departamenti eki dońǵalaqty kólik júrgizýshilerin jol qozǵalysy erejeleriniń talaptaryn saqtaýǵa shaqyrady, - dep habarlady Aqtóbe oblystyq PD baspasóz qyzmeti.

Eske sala keteıik, ótken aptada Aqtóbe qalasyndaǵy Altyn orda shaǵyn aýdanynda 8 turǵyn úı kesheni gazsyz qaldy. Mas kúıinde kólik júrgizgen áıel shuńqyrǵa túsip ketip, qubyrdy zaqymdaǵan.