Aqtóbede shóp tıelgen kólikke soqtyǵysqan avtonyń jolaýshysy kóz jumdy

AQTÓBE. QazAqparat - Aqtóbede jeńil jáne júk kóligi soqtyǵysyp, jolaýshy kóz jumdy, dep habarlaıdy QazAqparat tilshisi.

Oqıǵa Aqtóbe - Atyraý tas jolynda boldy. «Toyota Prado» markaly avtokóliginiń 32 jastaǵy júrgizýshisi Aqtóbeden Baıǵanınge baǵyt alǵan. Joldyń 242-shaqyrymynda «Gaz» avtokóligimen soqtyǵysady.

«Jol-kólik oqıǵasynda «Toyota Prado» jolaýshysy oqıǵa ornynda kóz jumdy. Al, eki jolaýshy Baıǵanın aýdanynyń ortalyq aýdandyq aýrýhanasyna jatqyzyldy. Júk kóligine shóp tıelgen», - dedi oblystyq PD baspasóz qyzmetiniń jetekshisi Erbolat Sarqulov.

Eske salsaq, Aqtóbede jol apaty jıilep ketti. Ótken demalys kúni Keńqııaq aýyly mańynda «Nıva» avtokóliginiń júrgizýshisi joldyń qarama-qarsy baǵytyna shyǵyp, KamAZ júk kóligimen soqtyǵysqan. Júrgizýshi men janynda otyrǵan jolaýshy oqıǵa ornynda kóz jumdy. Jol-kólik oqıǵasynan soń qylmystyq is qozǵaldy. Qazirgi kezde tergeý júrip jatyr.