Aqtóbede sheteldik stýdentterdiń de dástúrli formatta oqýyna ruqsat berildi
Sheteldik stýdentterdiń offlaın formatta bilim alýy úshin turǵylyqty eldiń ýákiletti organynan anyqtama suratylady. Sonymen birge COVID-19-ǵa qarsy vaktsına saldyrǵanyn rastaýy tıis. Memlekettik shekaradan ótkennen keıin 3 táýlik ishinde PTR synama tapsyrady. Teris mán kórsetkende kúndizgi oqý formatyna jiberiledi.
«Medıtsınalyq kolledjder men M. Ospanov atyndaǵy Batys Qazaqstan medıtsınalyq ýnıversıtetiniń klınıkalyq bazalaryna, oblystyń emdeý- profılaktıkalyq uıymdaryna vaktsınanyń eki dozasyn da alǵan stýdentter ǵana jiberiledi. Ashanalar men býfetterdi qosa alǵanda, mektepke deıingi jáne orta bilim berý uıymdaryna, kolledjderge, joǵary oqý oryndaryna bógde adamnyń kirýine ruqsat berilmeıdi. Dene qyzýy kóterilip, aýyrǵan adamdar, «sary» jáne «qyzyl» mártebesi bar naýqastar bilim ordasyna kirgizilmeıdi», - dep jazylǵan qaýlyda.
Sonymen birge, bir stýdentten koronavırýs ınfektsııasy anyqtalsa, top túgel 14 kúnge oqshaýlanady.