Aqtóbede sheteldik ınvestorlardyń qatysýymen iri jylyjaı salyndy
Sapardyń alǵashqy kúni qazaqstandyq SІM basshysynyń orynbasary oblystyq Investorlarǵa qyzmet kórsetý ortalyǵyna bardy, sondaı-aq «Aqtóbe» ındýstrııalyq aımaǵynda ornalasqan jobalarmen tanysty. Sonymen qatar ol Aqtóbe oblysynyń Investorlardy tartý jáne ınvestıtsııalyq ahýalyn jaqsartý jónindegi óńirlik keńestiń otyrysyna qatysty. Onyń qorytyndysy boıynsha ınvestorlardyń suraqtaryna jaýap berdi.
QR SІM-niń baspasóz qyzmetinen málim etkendeı, E.Kósherbaev qatysqan negizgi shara - gollandııalyq «Food Ventures» JShS-nyń «Green Capital Kazakhstan» kompanııasynyń jylyjaı kesheniniń resmı iske qosylýy. Oǵan oblys ákimi Orazalın Ondasyn, Nıderlandy Koroldiginiń Qazaqstandaǵy Elshisi Dırk ıAn Korp jáne Majarstannyń Qazaqstandaǵy Elshisi Andrash Baranı qatysty.
Jobany «QazAgro» korporatsııasy jáne majarlyq «Eksımbank» qarjylandyrdy. Sondaı-aq «Green Capital Kazakhstan» qurylysyna «Food Ventures» ınvestıtsııa saldy. 2019 jyly jobany iske asyrýǵa 3,5 mlrd teńge bólindi, 60 jumys orny ashyldy. Aýdany 5 gektar jylyjaı sektsııasy salyndy.
Kelesi kezeńdi iske asyrý sheńberinde, ıaǵnı 2020-2020 jyldary taǵy eki sektsııa ashylady. Oǵan ınvestorlar 8,6 mlrd teńge jumsaýdy josparlap otyr.
Aıta ketý kerek, Qazaqstanǵa aqsha qarajaty ǵana emes, tehnologııalar transferti de ınvestıtsııalandy: atalǵan jylyjaıda besinshi býyndaǵy eń jańa tehnologııa, Gollandııanyń ózinde birneshe sharýashylyqtarda ǵana engizilgen ýltraklımattyq júıe qoldanylǵan. Bul joǵary tehnologııalyq protsess bıologııalyq qorǵaý men retsırkýlıatsııanyń ýltra zamanaýı prıntsıpterimen úılese otyryp, barynsha ónim alýǵa múmkindik beredi.
Jylyjaı kesheninde qyzanaqtan basqa bolashaqta baklajandar da otyrǵyzylmaq. Ónimdi ótkizý naryǵy: Nur-Sultan, Almaty, Shymkent qalalary, Aqtóbe oblysy jáne Reseı eli. Eksport úlesin 80% deıin jetkizý josparlanyp otyr.
Kásiporyn tolyq qýatqa shyqqan kezde jylyjaıda 12-15 myń tonna kókónis jınaıtyn bolady.
«Qazaqstannyń Tuńǵysh Prezıdenti-Elbasy ınvestıtsııa tartý máselesine erekshe kóńil bóledi. Búginde Qazaqstanda ınvestorlar úshin barlyq jaǵdaı jasalǵan. Respýblıkanyń ınvestıtsııalyq ahýalyn jetildirý boıynsha turaqty jumys júrgizilýde. 2018 jylǵy jeltoqsanda QR Syrtqy ister mınıstrligine ınvestıtsııalardy tartý jáne eksportty úılestirýdi keńeıtý jónindegi fýnktsııalar berildi. Qazirgi ýaqytta biz «Shet elderdegi mekemeler - Ortalyq - Óńir» formatynda keshendi ekojúıeni qurýdamyz.
«Búgin biz gollandııalyq «Food Ventures» jylyjaı kesheniniń ekinshi kezeńiniń iske qosylǵanyna kýá boldyq, Qazaqstanda osy saladaǵy iri kásiporyndardyń biri salyndy - Qazaqstan-Vengrııa qoryn qarjylandyrý aıasynda gollandtyq tehnologııa boıynsha jylyjaı. Bul joba Qazaqstan Respýblıkasy men Nıderland Koroldigi arasyndaǵy saýda-ekonomıkalyq qatynastardy odan ári nyǵaıtýǵa yqpal etedi dep senemin», - dep atap ótti E.Kósherbaev.
QR SІM-niń ınvestıtsııalardy tartý jónindegi memlekettik saıasatty júrgizýde negizgi baǵyttarynyń biri - bıýrokratııa men áýre-sarsańǵa salýshylyqqa jol bermeıtin áleýetti ınvestorlar úshin biregeı jaǵdaılar jasaý. Dál osyndaı qural ınvestorlarǵa qyzmet kórsetýdiń óńirlik front-ofısteri bolýǵa tıis.
Aqtóbe oblysynda bul máselede jaǵdaı jasalǵan. Munda «bir tereze» qaǵıdaty boıynsha ınvestorlar úshin barlyq qyzmetter kórsetiledi. Budan bólek, Aqtóbe óńiriniń ónimderin Aspanasty naryqtaryna jyljytý jáne ınvestıtsııa tartý úshin Qytaıda oblys ókildiginiń ashylýy.
Nıderlandy Qazaqstandaǵy iri ınvestorlardyń biri bolyp tabylady. Jalpy respýblıkada golland kapıtalynyń qatysýymen myńnan astam kompanııa jumys isteıdi. Al 2005-2018 jyldary elimizge Nıderlandydan 82,8 mlrd AQSh dollary tartyldy. Bul bizdiń elimizge tikeleı sheteldik ınvestıtsııalardyń jalpy aǵynynyń úshten birin quraıdy.
Esterińizge sala keteıik, ótken jyly eki el arasyndaǵy taýar aınalymy 6,5 mlrd AQSh dollaryn qurady. Eksport - 6,2 mlrd AQSh dollary, ımport 0,3 mlrd AQSh dollary boldy.