Aqtóbede sheteldik azamattar kásipkerdiń páterin tonap ketti

ASTANA. QazAqparat – Aqtóbede sheteldik azamattar kásipkerdiń páterin tonap ketken. Qazir kúdiktiler qamaýǵa alyndy, dep habarlaıdy QazAqparat Polisia.kz-ke silteme jasap.

15 shildede beıtanys adamdar kilt tańdaý arqyly Aqtóbe qalasynda páterge zańsyz kirip, seıften iri kólemdegi aqshany jasyryn urlaǵan. Urlyq saldarynan 46 jastaǵy kásipkerge 60 mıllıon teńge kóleminde múliktik shyǵyn kelgen. Polıtsııa qyzmetkerleri 38 jastaǵy sheteldik azamatty izin sýytpaı ustady. Onyń jaldamaly páterinen urlanǵan aqshanyń bir bóligi alyndy. Sonymen qatar jasalǵan qylmystan keıin ońtústik óńirdegi shekara arqyly boı tasalaǵysy kelgen 34 jastaǵy sheteldik azamatty Saryaǵash aýdany polıtsııa basqarmasynyń qyzmetkerleri qolǵa túsirdi.

Odan da iri kólemdegi qarajat alyndy. Kúdiktiler jasaǵan qylmysyn moıyndady. Qazir ýaqytsha ustaý ızolıatoryna qamaldy.