Aqtóbede sheteldik azamat úlken kólemde aqsha men qujattaryn joǵaltty
14:35, 03 Sáýir 2023
AQTÓBE. QazAqparat - Aqtóbe oblysynda sheteldik azamat úlken kólemde aqsha men qujattaryn joǵaltty, dep habarlaıdy QazAqparat.
«31 naýryz kúni júrgizýshi Tımýr Súleımanov Astanadan kele jatyp, Áıteke bı aýdanynyń Qarabutaq aýylynda ornalasqan kafege shaı ishýge kirip, ústel ústinen 1100 AQSh dollary, 465 myń teńge aqshasy men qujattary bar ámııan tapqan.
Azamat sómkeni polıtsııa qyzmetkerlerine tapsyrǵan. Aqsha men qujattardyń Qyrǵyz Respýblıkasynyń azamaty Bekar Hııazovqa tıesili ekenin anyqtaldy», - dep jazdy Іshki ister mınıstrliginen.
Qazaly qalasyna jetip qalǵan Hııazovqa polıtseıler joǵalǵan zattaryn tapsyrǵan.
Sheteldik polıtsııa qyzmetkerlerine jáne ámııandy tapqan júrgizýshige alǵys aıtty.