Aqtóbede sheneýnik UBT nátıjesin jaqsartý úshin aqsha jınaǵan
13:03, 24 Maýsym 2019
AQTÓBE. QazAqparat - Aqtóbe oblysynyń sybaılas jemqorlyqqa qarsy kúres departamenti Muǵaljar aýdany ákiminiń orynbasary men Qandaǵash aýylyndaǵy mektep dırektoryna para berýge ıtermeledi degen kúdikpen ustady, dep habarlaıdy QazAqparat tilshisi.
Kúdiktiler Muǵaljar aýdanyndaǵy bilim berý mekemeleriniń basshylaryn QR Bilim jáne ǵylym mınıstriliginen kelgen komıssııa ókilderiniń meıramhanalarda tamaqtaný jáne qonaqúıde turý aqysyn tóleýge ıtermelegen. Sonyń nátıjesinde aýdannyń UBT nátıjelerin joǵary baǵalatýǵa tyrysqan.
«2019 jyldyń 20 maýsymynda atalǵan eki tulǵa bir mektep dırektory arqyly Embi qalasyndaǵy 7 bilim mekemesinen jınalǵan 540 myń teńgeni alǵan. Kúdiktiler qylmystaryn tolyq moıyndaýyna baılanysty qamaý protsessýaldyq qamaý júrgizilgen joq. Terserý júrip jatyr», - delingen departament aqparatynda.