Aqtóbede shegirtke dernásilderi tabyla bastady

<p>AQTÓBE. KAZINFORM - Aqtóbede ıtalıandyq prýstyń alǵashqy dernásilderi tabyldy. Bıyl óńdeý jumysyna 304,5 mln teńge jumsalady.</p>

Bıyl Aqtóbe oblysynda 784,4 myń ga jer óńdeledi. «Respýblıkalyq fıtosanıtarııalyq dıagnostıka jáne boljaý ádistemelik ortalyǵy» Aqtóbe oblystyq fılıalynyń aqparatyna súıensek, Alǵa, Baıǵanın, Yrǵyz, Qobda, Temir, Oıyl aýdandarynyń aýmaǵynda ıtalıandyq prýstyń alǵashqy dernásilderi tabyldy. Fıtosanıtarııalyq jaǵdaıdy jaqsartýǵa jáne shegirtkege qarsy kúresti uıymdastyrýǵa bıyl oblystyq bıýdjetten 304,5 mıllıon teńge bólingen. Aýyl sharýashylyǵy jáne jer qatynastary basqarmasynyń basshysy Qusaıyn Sársembaıdyń aıtýynsha, qazirgi kezde 55,3 myń lıtr dári satyp alyndy. Dári oblys ortalyǵyna jáne 12 aýdanǵa taratylady.

«Shegirtkemen kúresý úshin oblystyq jáne aýdandyq shtabtar quryldy. Oblys ákimi Ashat Shaharov hımııalyq óńdeý jumystaryn jedeldetýdi jáne jaǵdaıdy baqylaýda ustaýdy tapsyrdy», - dep habarlady Aqtóbe oblysy ákiminiń baspasóz qyzmeti.