Aqtóbede sharýashylyqtaǵy sıyrlardyń neden ólgeni tekserilip jatyr

<p>Aqtóbe oblysy Alǵa aýdanyndaǵy sharýashylyqtardyń birinde 9 múıizdi iri qaranyń óleksesi anyqtaldy. Boljam boıynsha mal ýlanǵan. Qazir zertteý júrip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Aqtóbe oblystyq veterınarııa basqarmasynyń málimetine súıensek, 22-27 qarasha kúnderi Alǵa aýdany Toqmansaı aýyldyq okrýgine qarasty «Óletti» sharýa qojalyǵynda 9 bas iri qara óldi. Veterınarlyq mamandar maldyń ishki aǵzasyn tekserip, aldyn-ala «ýlaný» dıagnozyn qoıdy. Degenmen naqtysy saraptamadan soń belgili bolady.

- Ólekseden synama alynyp, oblystyq veterınarııalyq zerthanaǵa jiberildi. Al mamandar ólekseniń ózin Toqmansaı eldi mekenindegi mal qorymyna aparyp zalalsyzdandyrdy. Janýarlardyń asa qaýipti aýrýlary boıynsha veterınarııalyq-profılaktıkalyq is-sharalardy júrgizý josparyna sáıkes Alǵa aýdanyna qarasan aýrýynan qorǵaıtyn 38 000 doza vaktsına bólindi. Búginde egý jumystary jalǵasyp jatyr, - dep habarlady Aqtóbe oblystyq veterınarııa basqarmasy.

Eske salsaq, Oıyl aýdany «Samǵat» sharýa qojalyǵynda maldan qarasyn aýrýy anyqtalyp, shekteý sharasy qabyldandy.