Aqtóbede shahterler men kommýnaldyq kásiporyn qyzmetkerlerine jalaqy tólenbegen

<p>AQTÓBE. KAZINFORM &ndash; Aqtóbe oblysy Hromtaý aýdandyq prokýratýrasymen &laquo;Ońtústik shahta qurylys&raquo; JShS-niń&nbsp;156 jumysshyǵa&nbsp;165 mln teńgeden astam jalaqy tólemeý deregi anyqtaldy. Bul týraly oblystyq prokýratýra habarlady.</p>

Prokýratýranyń úılestirýimen quqyq qorǵaý organdarynyń, jergilikti atqarýshy jáne ýákiletti organdar basshylarynyń qatysýymen keńes ótkizildi. Bul jıynǵa «QazHrom» TUK» AQ basshylyǵy men JShS-tiń quryltaıshysy da shaqyryldy.

Qabyldanǵan sharalarmen jalaqy qaryzy tolyǵymen óteldi.

Basqa jaǵdaıda, Shalqar aýdandyq prokýratýrasymen «Uly Borsyq» KMK-niń 519 qyzmetkerge 48 mln teńgeden astam jalaqy qaryzy anyqtalyp, prokýrorlyq yqpal etý aktisimen óteldi.

Osylaısha, atalǵan kásiporyndardaǵy 213 mln teńge bolatyn jalaqy qaryzdary ótelip, jumysshylardyń quqyǵy qalpyna keltirildi.

Buǵan deıin jekemenshik jáne memlekettik kolledj pedagogteriniń jalaqysy teńestiriletinin jazǵan bolatynbyz.