Aqtóbede Senat depýtattyǵyna kandıdat Amangeldi Nuǵmanov kóp daýys jınady
Qazir bıýlletender iriktelip jatyr. Ol bes bólikke bólindi. Úsh kandıdat pen jaramsyzy jáne bárine qarsy tańdaý jasaǵany irikteldi.
Úmitker Dana Bekbaýovaǵa - 15, Rahym Beknazarovqa - 11, Amangeldi Nuǵmanovqa 148 adam daýys berdi. Al 4 tańdaýshy bárine qarsy boldy. Jaramsyzy joq.
«Senat depýtatyn saılaýǵa qatystyq. Baıqaýshy retinde baıqaǵanym bári zań talaptaryna saı ótti. Máslıhat depýtattary tártip boıynsha kirip, óz tańdaýyn jasady. Ádil ári shynaıy túrde saılaý ótti. Saılaý alańy talapqa saı. Oblystyq saılaý komıssııasynyń tóraǵasy tanystyryp, túsindirdi. Jáshik kópshilikke anyq kórindi. Kabına ishi jaryq, qalamy bar»,- Partııalyq emes baıqaý ortalyǵy oblystyq fılıalynyń tóraǵasy Nurjan Shańǵytbaev.
Eske salsaq, Aqtóbe oblysy boıynsha 5 úmitker saılaýǵa qatysýǵa ótinish bergen. Onyń tórteýi ózin-ózi usyndy. Alaıda tek úsheýi ǵana tirkelip, úgit-nasıhat jumysyn júrgizdi.https://kaz.inform.kz/news/aktobede-arturli-dengeydegi-maslihattyn-178-deputaty-tandau-zhasauda_a4023524
«Ár óńirden saılanǵan Senat depýtaty sol aımaqtyń joǵyn joqtap, problemalaryn kóterýi kerek dep oılaımyz. Búgin saılaý ashyq boldy. Tirkelip, keıin erejesi túsindirildi. Keıin bıýlleten berilip, kabınada erkin tańdaý jasadym. Bul elimizdiń damýyna baǵyttalǵan tańdaýdyń biri. Aldaǵy ýaqytta oń nátıje beredi dep oılaımyz»,- dedi oblystyq máslıhat depýtaty Baıan Sársembına.