Aqtóbede Semeı ıadrolyq synaq polıgonynan zardap shekkenderge eskertkish qoıyldy
Semeı ıadrolyq synaq polıgonynan zardap shekkenderge arnalǵan eskertkish qurylysyna «Paryz» qoǵamdyq qory qarjy bóldi.
Eskertkishtiń dızaınyn syzyp, arhıtektýrasyn úılestirgen - Baqtygereı Japar.
«Bıyl Semeı ardagerlerine eskertkish qoıý suraǵy óz sheshimin tapty. Bul ardagerler bas qosatyn, saltanatty sharalardy ótkizetin, ómirden ozǵan ardagerlerdi eske alatyn jerge aınalmaq. Negizi 1949 jyldan 1991 jylǵa deıin Semeı ıadrolyq polıgonynda 11 myńnan astam aqtóbelik qyzmettik mindetin atqardy», - dedi «Nevada-Semeı» halyqaralyq ıadrolyq qarýǵa qarsy qozǵalysynyń Batys Qazaqstan aımaǵy fılıalynyń dırektory Іzimǵalı Kóbenov.
Aqtóbe oblystyq qorǵanys isteri jónindegi departamentiniń málimetteri súıensek, búginde oblysta Semeı ıadrolyq polıgonynda ıadrolyq synaqqa qatysqan 1800-den astam adam turady.
Onyń 268-i múgedek, 40-y ıadrolyq synaqtarǵa qatysýshylardyń jesiri. Bári qajetti áleýmettik kómek alyp otyr.
Tehnıkalyq jáne kómekshi saýyqtyrý quralymen qamtylǵan, sanatorlyq-kýrorttyq saýyqtyrýǵa jiberiledi.
ıAdrolyq synaqqa qatysqandarǵa jyl saıyn 100 myń teńge mólsherinde birjolǵy materıaldyq kómek kórsetiledi.