Aqtóbede sarapshylar saılaý naýqanynyń erekshelikterin atady
Saraptamalyq talqylaýǵa ǵylymı ıntellıgentsııa, Qazaqstan halqy Assambleıasy, úkimettik emes uıym ókilderi, belgili qazaqstandyq sarapshylar Marat Shıbutov, Erlan Saırov, Andreı Chebotarev qatysty. Saraptamalyq talqyǵa qatysýshylar bıylǵy saılaýdyń erekshelikterin túsindirdi.
«Demokratııa degenimiz - halyqtyń bıligi. Halyqtyń bıligi saılaý arqyly júzege asady. Bul saılaý elimizdegi saıası júıeniń evolıýtsııalyq turǵyda ózgerýiniń eń negizgi qarlyǵashy bolýy yqtımal. Árbir saıası júıe evolıýtsııalyq turǵyda damýǵa múddeli bolsa, ómirsheń bolady, halyqqa jaqsy. Osy saılaý bizdiń elimizdegi úlken jolaıryq», - dedi saıasattanýshy Erlan Saırov.
Saılaý aldynda adamdar oıyn ashyq aıtyp, pikirin de bildirip jatyr. Sarapshylar saıası modernızatsııanyń eń negizgi nyshandary saılaýda kórinetinin aıtyp berdi.
«Qazirgi ýaqytta partııa, qoǵamdyq uıymdar óz kandıdattaryn usyndy. Ár kandıdat óz baǵdarlamasymen tanystyryp, qolǵa alǵan isterin aıtady. Sonda halyq óz tańdaýyn jasaıdy dep senemiz», - dedi saıasattanýshy Andreı Chebotarev.
Jıyn kezinde kandıdattardyń tek BAQ arqyly emes, óziniń áleýmettik jelidegi paraqshalary arqyly da pikir bildirip, halyqpen ashyq dıalog ótkizedi dep kútedi. Sebebi qazir prezıdenttikke úmitkerlerdiń jeke akkaýnttary bar, keıbiri óte belsendi.