Aqtóbede «saqaldy qurylystardy» aıaqtaýǵa mıllıardtar jumsalady

<p>AQTÓBE. KAZINFORM &ndash; Aqtóbe oblysy boıynsha qurylysy aıaqtalmaı, kidirip qalǵan 31 nysan bar. Onyń 8-i mektep.&nbsp;</p>

Aqtóbe oblysyndaǵy problemalyq 31 nysannyń 22-si bıyl qoldanysqa beriledi. Olardyń arasynda sport keshenderi, mektep, turǵyn úıler bar.

- Birinshiden, merdiger mekeme mindettemelerdi ýaqytyly oryndamaıdy. Kóbine elimizdiń ońtústik óńirinen kelgen merdigerler qıyndyq týdyryp otyr. Kóbimen kelisimshart buzyldy, jobalyq-smetalyq qujatqa qaıta túzetý engizildi. Ekinshiden, geosaıası jaǵdaı áser etti. Úshinshiden koronavırýs ınfektsııasy órshigen kezde kóp tasymal toqtap, keıin qurylys materıaly qymbattap ketti. Qazirgi kezde merdiger mekemeler anyqtalyp, qurylysy júrip jatqan nysandar bar, - dedi Aqtóbe oblystyq qurylys, sáýlet jáne qala qurylysy basqarmasy basshysynyń mindetin atqarýshy Aslan Jarasbaev.

Foto: Aqtóbe oblysy ákiminiń baspasóz qyzmeti

Aqtóbe oblysynyń aýdandarynda páter kezeginde turǵan adamdarǵa beriletin 12 turǵyn úı qurylysy problemalyq nysanǵa aınalǵan. Sonymen birge, 8 mektepti salý kezinde kedergiler kezikken.

- Qazir 1,5 mlrd teńge aqsha bólinip, keıbir nysanda qurylys júrgizilip jatyr. Sonymen birge turǵyn úılerdiń jobalyq-smetalyq qujatyna ózgertý engizilip jatyr. Olardyń da baǵasy 2 mlrd teńge bolýy múmkin,- dedi Aslan Jarasbaev.