Aqtóbede sábıin kórshisine tastap ketken áıel tabyldy

AQTÓBE. QazAqparat – Aqtóbede 4 jasar balasyn kórshisine qaldyryp, sol kúıi joǵalǵan áıel tabyldy. Bul týraly QazAqparat POLISIA.KZ telegram kanalyna silteme jasap habarlaıdy.

Balanyń anasy polıtsııaǵa ózi kelgen. Aıtýynsha, ol balany beıtanys adamdarǵa qaldyryp, jumys ornynan jalaqysyn alýǵa ketken. Jolda tanysymen kezdesip, ekeýi alkogoldik ishimdik ishken.

43 jastaǵy áıelge QR ÁQBtK-niń 127-baby «Kámeletke tolmaǵan adamdy tárbıeleý jáne (nemese) onyń quqyqtary men múddelerin qorǵaý jónindegi mindetterdi oryndamaý» boıynsha hattama toltyryldy.

Eske salsaq, Aqtóbede 4 jasar balasyn kórshisine qaldyryp, sol kúıi joǵalǵan áıel izdestirilip jatqan bolatyn.