Aqtóbede polıtsııa qyzmetkerlerine jańa kólik berildi

<p>Aqtóbede ýchaskelik polıtsııa qyzmetkerlerine, patrýldik qyzmetke jáne tergeý-qamaýǵa alynǵan adamdardy tasymaldaıtyn bólimshelerge kólik pen kvadratsıkl berildi, dep habarlaıdy <a href="Kazinform" target="_blank" rel="noopener">Kazinform</a>.</p>

Aqtóbe oblystyq polıtsııa departamentiniń avtoparki jańardy. Búgin munda 36 tehnıka ákelindi. Hyundai Tucson markaly 22 avtokólik Aqtóbe qalasynyń ýchaskelik polıtsııa ınspektorlaryna, al Gazel Next markaly 10 kólik tergeý-qamaýǵa alynǵan adamdardy tasymaldaý úshin aýdandyq bólimshelerge berildi.

- Polıtsııa ókilderi kúndelikti qyzmetinde azamattarmen tyǵyz qarym-qatynasta jumys isteıdi jáne olardyń qaýipsizdigi úshin jaýapkershilik alady. Memleket basshysy Qasym-Jomart Toqaev quqyqqorǵaý júıesi eldegi turaqtylyqtyń basty kepili dep atap ótip, jan-jaqty qoldaý sharalaryn qabyldady. Jergilikti bılik organdary da polıtsııanyń materıaldyq-tehnıkalyq bazasyn jaqsartý úshin barlyq jaǵdaıdy jasap keledi. Avtokólik, vıdeojetondar, planshetter jáne taǵy da basqa qajetti qural-jabdyqpen qamtyldy. Bul sharalar qoǵamdyq qaýipsizdik pen turaqtylyqty qamtamasyz etýge oń áserin tıgizeri sózsiz, - dep atap ótti Aqtóbe oblysynyń ákimi Ashat Shaharov.

Sonymen birge patrýldik polıtsııa qyzmetkerleri 3 kvadrotsıkldi saıajaı alaptaryn, jaǵalaýlardy patrýldeý kezinde paıdalana alady. Al «Belorýs» traktory polıtsııa bólimderiniń aýmaqtaryn abattandyrýǵa jáne qyzmette basqa da sharýashylyq qajettilikterine paıdalanylady.

- Avtoparkti jańartý quqyq qorǵaý salasyndaǵy jumystyń sapasyn arttyrady. Oqıǵa ornyna dereý jetip, shuǵyl kómek kórsetýge múmkindik jasaldy– dedi Aqtóbe oblystyq PD bastyǵy Abaı Júsipov.