Aqtóbede polıtseıler boryshkerlerdi aýrýhanada jatqan jerinen tapty

AQTÓBE. QazAqparat – Aqtóbede «Boryshker» aktsııasy bastaldy. Bir kúnde bereshegi bar 20-dan astam anyqtalyp, olarǵa hattama toltyryldy, dep habarlaıdy QazAqparat tilshisi.

Polıtsııa boryshkerler men alıment tólemeıtinderdiń sanyn azaıtý maqsatynda jedel - aldyn alý sharasyn ótkizip jatyr. Balasynyń kútimine aqsha bermeı júrgender men salyqtan jaltarǵandardy anyqtaý kezinde 20-dan astam adamdy ustady.

«Oblystyq polıtsııa departamenti qala turǵyndary men qonaqtaryn qoǵamdyq tártipti nemese jol qaýipsizdigin buzǵany úshin salynǵan ákimshilik aıyppuldy der kezinde tóleý kerek ekenin eskertedi. Merziminde tólenbegen jaǵdaıda májbúrlep óndirilmek. Jolda kólik toqtatyp qana qoımaı, polıtsııa qyzmetkerleri jan-jaqty izdeý júrgizip, aýrýhanada jatqan adamǵa da balasyna alıment tólemeı júrgenin eske saldy. Bul shara ári qaraı jalǵasa beredi», - dedi oblystyq PD baspasóz qyzmetiniń jetekshisi Erbolat Sarqulov.