Aqtóbede pnevmonııadan kóz jumǵan polıtsııa qyzmetkerleri marapattaldy
Atyǵaı Arystanov aldymen 4 shilde kúni koronavırýs pnevmonııasynan qaıtys bolǵan Hromtaý aýdandyq polıtsııa bóliminiń ýchaskelik polıtsııa ınspektory Aıbat Ábıevtiń otbasyna bardy. Qyzmettik boryshyn úlgili atqarǵany, karantın ýaqytynda zańdylyq pen quqyq tártibin qamtamasyz etý kezinde kórsetken erligi men janqııarlyǵy úshin ІІM E.Turǵymbaevtyń atynan batyrdyń otbasyna «Quqyq tártibin qamtamasyz etýge qosqan úlesi úshin» medalin tabystady.
Sonymen birge oblystyń bas polıtseıi pandemııa ýaqytynda qyzmettik mindetterin atqarý kezinde qaza tapqan Hromtaý aýdanyq PB bastyǵy Marat Beketaevtyń otbasyna bardy. M. Beketaev 25 maýsym kúni jumys ornynan aýrýhanaǵa jatqyzylyp, oǵan koronavırýs pnevmonııasy dıagnozy qoıyldy. Alaıda ol 1 shilde kúni kóz jumdy.
Memleket basshysynyń Jarlyǵymen polıtsııa polkovnıgi Murat Beketaev «Erligi úshin» medalimen marapattaldy. Tártip saqshylary batyrlardyń jubaılary men ata-analaryna qurmet bildirip, gúl men syılyq tabys etti.
«Biz Qazaqstan Respýblıkasy azamattarynyń tynysh ómiri úshin óz ómirlerin qıǵan árbir qaza bolǵan polıtsııa qyzmetkeriniń beınesin, ıgi isteri men erlikterin esimizde, júregimizde máńgi saqtaımyz. Olardyń árbir batyrlyǵy men is-áreketi erlik dep baǵalanady», – dedi Aqtóbe oblystyq polıtsııa departamentiniń bastyǵy Atyǵaı Arystanov.