AQTÓBE. QazAqparat – Aqtóbe qalasyndaǵy Batys-2 shaǵyn aýdanynda kópqabatty úılerdiń birinde páterden órt shyqty. 12 jastaǵy jetkinshekke alǵashqy medıtsınalyq kómek kórsetildi, dep habarlaıdy QazAqparat tilshisi.
Búgin saǵat 11:21-de oblystyq tótenshe jaǵdaılar departamentiniń kezekshi bólimine shaqyrtý tústi. Batys-2 shaǵyn aýdanyndaǵy kópqabatty úılerdiń birindegi páterden órt shyqty. Oqıǵa ornyna 12 adam men 4 tehnıka jiberildi.
«Órt sóndirýshiler jetken kezde turmystyq zattardyń jáne tóbeniń janǵanyn kórdi. Arnaıy baspaldaqtyń kómegimen 2 adamdy qutqaryp, 9 adam evakýatsııalandy. Sonymen birge 12 jastaǵy qyzǵa alǵashqy medıtsınalyq kómek kórsetildi. Qazirgi kezde órttiń shyǵý sebebi anyqtalyp jatyr», - dep habarlady oblystyq TJD baspasóz qyzmeti.
Altynaı Saǵyndyqova
2001-2006 j.j. Q.Jubanov atyndaǵy Aqtóbe memlekettik ýnıversıtetin támamdady. Mamandyǵy - jýrnalıst. Eńbek jolyn 2006 jyly "Kerek.info" qoǵamdyq-aqparattyq gazetinen tilshi bolyp bastap, shef-redaktordyń orynbasary, shef-redaktor boldy. Ártúrli jyldary "Aıqyn" qoǵamdyq-saıası gazeti, Bnews.kz, Aktobenews.kz tilshi qyzmetin atqardy. 2017 jyldan bastap Kazinform agenttiginiń Aqtóbe oblysyndaǵy menshikti tilshisi.