Aqtóbede páter satyp almaq bolǵan 17 adamdy aldaǵan áıel sottaldy

<p>AQTÓBE. KAZINFORM &ndash; Naryq qunynan tómen baǵada páter usynyp, 17 adamnan 300 mln teńgeden astam aqsha alǵan aqtóbelik sottaldy. Ol 4 balasynyń bolǵanyna qaramastan 6 jylǵa bas bostandyǵynan aıyryldy.&nbsp;</p>

№2 Aqtóbe qalalyq sotynda Qylmystyq kodekstiń «Alaıaqtyq» baby boıynsha is qaraldy. Іs materıalyna súıensek, sottalýshy Aqtóbe qalasy 11 shaǵyn aýdanyndaǵy kópqabatty úıden naryq qunynan tómen baǵada páter usynady. Ol «Qazaqstannyń ornyqtylyq qory» AQ-nyń kepildik hatyn, satyp alý - satý sharttary sekildi zańdy kúshi joq qujattardy kórsetken. Sóıtip adamdardyń senimine kirip, aldap 17 jábirlenýshiniń 314 mln teńgeden astam aqshasyn ıelenedi. Sottalýshy 2 adamnan alǵan aqshasyn keri qaıtaryp, úshinshi jábirlenýshi qarjysynyń bir bóligin bergen.

Sot otyrysy kezinde sottalýshy kinásin tolyq moıyndap, jasaǵan áreketine ókinetinin, jábirlenýshilerge materıaldyq zalaldy óteıtinin aıtyp, bas bostandyǵynan aıyrmaýdy surady. 

– Sot úkimimen azamatsha O. kináli dep tanylyp, oǵan 6 jyl merzimine bas bostandyǵynan aıyrý jazasy taǵaıyndaldy. 15 jábirlenýshiniń jalpy somasy 291 314 528 teńgeni quraıtyn azamattyq talaby qanaǵattandyryldy. Jábirlenýshilerge zalaldy óteý úshin sottalǵanǵa tıesili avtokólik, Almaty qalasynda ornalasqan jer ýchaskesi jáne banktik esepshorttar óndirip alyndy. Úkim zańdy kúshine engen joq, - dep habarlady Aqtóbe qalasy №2 sotynyń baspasóz qyzmeti.

Aıta keteıik, sottalýshynyń 4 balasy bar. Balalar Almaty qalasyndaǵy qorǵanshylyq jáne qamqorshylyq qyzmetine berildi.