Aqtóbede partııalar ákim saılaýyna óz kandıdattaryn tirkep jatyr

AQTÓBE. QazAqparat - Aqtóbede aýyl ákiminiń saılaýyna qatysýǵa nıettiler sany arta tústi. Qazirgi kezde partııalardyń belsendiligi joǵary, dep habarlaıdy QazAqparat tilshisi.

«Nur Otan» partııasynyń oblystyq fılıaly bir kúnde bes úmitkerdi tirkedi. Alǵa aýdanynyń Úshqudyq, Mártók aýdanynyń Qyzyljar, Temir aýdanynyń Aqsaı, Sarkól, Tasqopa aýyldaryna ákim bolýǵa nıetti kandıdattardy esimin jarııalady. Sonymen birge «Aqjol» demokratııalyq partııasy Hromtaý aýdanynyń Tabantal, «Aýyl» partııasy Alǵa aýdanynyń Toqmansaı, Úshqudyq, Mártók aýdanynyń Qyzyljar aýyldaryna kandıdattardy tirkedi. Oblystyq saılaý komıssııasynyń málimetine súıensek, kún saıyn ózin-ózi usynǵandar da qujat tapsyryp jatyr. Alǵa aýdanynyń Úshqudyq, Muǵaljar aýdanynyń Qaıyńdy, Temir aýdanynyń Aqsaı, Keńestý, Sarkól, Tasqopa aýyldarynyń ákimi bolamyn degen úmitkerler tirkeldi.

Aıta keteıik, Aqtóbeniń 12 aýdanynda da aýmaqtyq saılaý komıssııasy jumys istep jatyr. Barlyǵy 35 aýyldyń ákimi saılanady.

Eske salsaq, 25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.

Ulttyq ekonomıka mınıstrligi aýyl ákimerin tikeleı saılaý qalaı ótetindigin jáne QR Prezıdenti Ákimshiligi Basshysynyń orynbasary Málik Myrzalın ákim saılaýyna túsetin kandıdattarǵa qoıylatyn talaptardyń sebebin túsindirdi.

Sondaı-aq, Memleket basshysy aýyl ákimderin saılaý máseleleri jóninde keńes ótkizdi.