Aqtóbede ótemaqysyn byltyrdan beri almaǵan 3 sharýanyń aqshasy aýdaryldy

<p>AQTÓBE. KAZINFORM &ndash; Aqtóbe oblysy Oıyl aýdanynyń sharýalary mal soıý tsehyna saryp aýrýyna shaldyqqan malyn tapsyryp, ótemaqysyn osy ýaqytqa deıin ala almaı kelgen. Prokýratýra tekserýinen soń 3 sharýanyń aqshasy aýdaryldy.</p>

Aqtóbe oblysy prokýrorynyń kómekshisi Órken Eşanovtyń aıtýynsha, zańsyzdyq tekserý kezinde anyqtaldy. Oıyl aýdanynyń 3 azamatyna talap boıynsha ótemaqy berilýi tıis bolǵan. Óıtkeni sharýalar maldy byltyr tapsyrǵanymen, kúni búginge deıin ótemaqy ala almaı kelipti. 

- «Turar» sharýa qojalyǵy mal soıý tsehyna 11 iri qara tapsyrǵan. Oǵan 1,5 mln teńge ótemaqy tólenbegen. Dál osylaı «Senim» ShQ-na 800 myń teńge jáne «Ádilet» ShQ-na 676 myń teńge tólenbeı kelgen. Qadaǵalaý aktisinen soń Aqtóbe oblystyq Veterınarııa basqarmasy 3 kásipkerge 3 mln teńgeden astam ótemaqy tóledi. Buzýshylyqqa jol bergen jaýapty tulǵa tártiptik jaýapqa tartyldy, - dedi Aqtóbe oblysy prokýrorynyń kómekshisi Órken Eşanov.