Aqtóbede órtengen úıden 38 jastaǵy er adamnyń denesi tabyldy

AQTÓBE. QazAqparat - Aqtóbe qalasyndaǵy baý-baqsha ujymynda ornalasqan úı janyp, bir adamnyń denesi tabyldy, dep habarlaıdy QazAqparat tilshisi.

Aqtóbe oblystyq TJD baspasóz qyzmeti búgin tańerteń úı órtengenin habarlady.

112 qutqarý qyzmetine Aqtóbe qalasy Almaty aýdany AZHS baý-baqsha ujymynan shaqyrtý túsken.

Shaqyrtý ornyna 17 adam 3 tehnıka jiberildi. Oqıǵa ornyna jetken kezde aýmaǵy 35 sharshy metr bolatyn jeke úı janǵany belgili boldy.

«Órt dereý sóndirildi. Biraq ol jerden 1984 jylǵy er adamnyń denesi tabyldy. Órttiń shyǵý sebebi anyqtalyp jatyr»,- dedi oblystyq TJD baspasóz qyzmeti. Aqtóbe oblysy TJD órt qaýipsizdigi erejesin saqtaýǵa shaqyrdy.

Eske salsaq, Jańa jyl túri jeke turǵyn úı sektorynda úı janyp, bir áıeldiń denesi tabylǵan edi.

Al sol úıde bolǵan qarııa jansaqtaý bólimine jatqyzyldy.