Aqtóbede óńirdiń tanymaldyǵyn arttyratyn brend jasaldy

ASTANA. QazAqparat - «Aqtóbe aqparat» aqparattyq ortalyǵynda Aqtóbe oblysynyń brendin tanystyrýǵa baılanysty baspasóz konferentsııasy ótti, dep habarlaıdy «Aqtóbe aqparat» aqparattyq ortalyǵy.

Brend óńirdiń ishki jáne halyqaralyq arenadaǵy ımıdjdik tartymdylyǵy men tanymaldylyǵyn arttyrý maqsatynda jasalǵan.

Jumysty kásibı, shynaıy jáne táýelsiz baǵalaýdy qamtamasyz etý maqsatynda Aqtóbe oblysynyń óńirlik brendin anyqtaıtyn saraptama keńesiniń quramyna aqparattyq jáne kommýnıkatsııalyq tehnologııalar, marketıng, PR jáne osyǵan uqsas  salalardaǵy  sarapshylar, sonymen qatar kásibı  qoǵam ókilderi   kirdi.

Aqtóbe oblysynyń brendin anyqtaý jumysy tórt kezeńnen turdy. Atap aıtqanda, turǵyndarǵa saýalnama júrgizý arqyly oblystyń sáıkestiligine zertteý júrgizý jolymen tujyrymdama qurý jumystary júrgizilip, oǵan  eki myńnan asa turǵyn qatysty. Brendtiń úzdik nusqalary jasalyp, tańdaldy, oblys ákimdiginiń resmı saıtynda júrgizilgen ınternetpen daýys berýge 1250 adam at salysty. Qorytyndy kezeńde saraptama keńesi Aqtóbe oblysynyń óńirlik brendin anyqtady.

Baspasóz konferentsııasy aıasynda qatysýshylar men qonaqtarǵa jańa óńirlik brend, sonymen qatar, onyń qurylýynyń tolyq tarıhy jazylǵan beınerolık usynyldy.