Aqtóbede oqýshynyń óliminen soń jedel járdemniń bas dárigeri qyzmetinen ketti

AQTÓBE. QazAqparat - Aqtóbede 7 jastaǵy Іnjý Jankınanyń óliminen soń jedel járdemniń bas dárigeri Tileý Saparov óz erkimen qyzmetinen ketti, dep habarlaıdy QazAqparat tilshisi.

«Bas dáriger óz erkimen jumystan ketti. Ujymǵa Marat Janqulov tanystyryldy. Ol buryn jedel járdem aýrýhanasy bas dárigeriniń orynbasary, dáriger-reanımatolog bolyp jumys istedi», - dep habarlady oblys ákiminiń baspasóz qyzmeti.

Eske salsaq, 7 jastaǵy Іnjý Jankına jedel járdem jetpeı kóz jumdy.  Aqtóbe oblystyq densaýlyq saqtaý basqarmasy arnaıy komıssııa quryp, jedel járdemniń kesh jetkenin, dáriger men dıspetcher tergeý aıaqtalǵansha jumystan shettetilgenin jetkizdi.  Al keshe Іnjý Jankınanyń taǵy eki baýyry aýrýhanaǵa túsip, em qabyldap jatqany belgili boldy.