Aqtóbede oblystyq tilderdi damytý basqarmasynyń basshysy taǵaıyndaldy

<p>Aqtóbe oblystyq tilderdi damytý basqarmasynyń basshysy bolyp Amangeldi Qonaqbaev taǵaıyndaldy, dep habarlaıdy Kazinform.</p>

Aqtóbe oblysy ákiminiń baspasóz qyzmetiniń habarlaýynsha, buǵan deıin Shalqar aýdany ákiminiń orynbasary bolǵan Amangeldi Qonaqbaev jańa qyzmetke taǵaıyndaldy. Ol 1977 jyly Aqtóbe oblysynyń Shalqar aýdanynda dúnıege kelgen. 1997 jyly Q.Jubanov atyndaǵy Aqtóbe ýnıversıtetin, 2007 jyly Qazaq gýmanıtarlyq zań ýnıversıtetin támamdaǵan.

- Eńbek jolyn 1997 jyly Shalqar aýdanynda qarapaıym mektep muǵalimimen bastap, tárbıe isi jónindegi orynbasary, mektep dırektory qyzmetine deıin kóterilgen. 2016-2018 jyldary Shalqar aýdanynyń bilim bólimin basqarǵan. 2018 jyldyń sáýir aıynan bastap Shalqar aýdany ákiminiń áleýmettik máseleleri boıynsha orynbasary qyzmetin atqaryp keldi,- dep habarlady Aqtóbe oblysy ákiminiń baspasóz qyzmeti.

Aıta keteıik, Aqtóbe oblystyq tilderdi damytý basqarmasynyń basshysy qyzmeti 1 jyl 1 aı boıy bos turdy.