Aqtóbede «Nurly jer» baǵdarlamasy boıynsha salynyp jatqan úıler tanystyryldy

AQTÓBE. QazAqparat - Aqtóbede «Nurly jer» baǵdarlamasy arqyly salynyp jatqan taýnhaýstar men kottedjderdiń qurylysy aıaqtalyp keledi. Búgin Úkimette daıyn úılerdiń tusaýy kesildi, dep habarlaıdy QazAqparat tilshisi. 

Aqtóbeniń «Nur Aqtóbe» yqsham aýdanynda «Nurly jer» baǵdarlamasy boıynsha birqatar turǵyn úılerdiń qurylysy júrip jatyr. Pılottyq joba aıasynda úsh qabatty taýnhaýstar men kottedjderdińsalynyp jatqanyn buǵan deıin habarlaǵan bolatynbyz.

Aqtóbede salynyp jatqan turǵyn úılerdiń alǵashqysynda qurylys jumystary aıaqtalyp, búgin Úkimette tusaýy kesildi. Qazirgi tańda úıdiń aınalasyn abbattandyrý, páterdiń ishki árleý jumystary júrip jatyr. Alǵashqy kezeńde 3 myńǵa jýyq páter salynady. Barlyǵy 914 otbasy jekemenshik baspanamen qamtamasyz etiledi. Sonymen qatar, óńirde 15 myń adamǵa jer telimi beriledi.

«Baǵdarlama boıynsha tez salynatyn, shaǵyn qabatty turǵyn úılerdi salý qolǵa alyndy. Bıyl qurylysy bastaldy. «Nur Aqtóbe» aýdanynda 3-4 qabatty 56 turǵyn úıdi salý josparda bar. Alǵashqy kezeńde 26 turǵyn úıdiń qujaty jasalyp, qurylys bastaldy. Barlyǵy 8 merdiger mekeme jumys istep jatyr. Sonymen qatar, baǵdarlama boıynsha 194 ýchaskede jeke turǵyn úıler salyna bastady. Úıdiń sharshy metri 120 myń teńgeden aspaıdy»,- dedi Aqtóbe qalasynyń ákimi Іlııas Ispanov.

Aıta keteıik, qazirgi ýaqytta «Nur Aqtóbe» yqsham aýdanynyń halqy 20 myńǵa jetti.