Aqtóbede naýqasqa omby qardy keship barǵan feldsher «Eńbek ozaty» atandy

<p>ASTANA. KAZINFORM &ndash; Aqtóbe oblysy Hromtaý qalasynda jedel járdem qyzmetiniń feldsheri Saıa Rysbaı elordaǵa arnaıy shaqyrtylyp, jańa marapatqa ıe boldy.&nbsp;</p>

«Men Qyzylorda oblysynyń týmasymyn, 2020 jyldan bastap Aqtóbe oblysy Hromtaý qalasynda jedel járdem beketinde jumys isteımin. Eńbek ótilim 3-4 jyl. Bıyl aqpanda naýqasqa omby qardy keship barǵan sátimizdiń vıdeosyn áleýmettik jelide kóp adam kórdi, biz ony ádeıi emes jumys babymen, dálel retinde túsirgenbiz. Biraq, jelide keńinen taralyp ketedi dep oılaǵan joqpyz», - dedi aǵa feldsher 

Foto: Kazinform

Mamandy Qazaqstannyń Kásipodaqtar federatsııasy búgin ótken eńbekshi áıelderdiń І forýmyna arnaıy shaqyrǵan.

«Kásipodaqtar federatsııasy forým barysynda «Eńbek ozaty» degen tósbelgi taqty. Kútpegen jaǵdaı, qýanyshtymyn. Buǵan deıin Aqtóbe oblysy ákimi, sonymen qatar jumystaǵy basshylyq pen Densaýlyq saqtaý mınıstrinen alǵys hat aldym», - deıdi ol.

Eske sala ketsek, bıyl aqpanda Aqtóbede jedel járdem qyzmetkerleri naýqasqa omby qardy keship barǵany jazǵan edik. 

Aǵa feldsher Saıa Rysbaı Kazinform agenttiginiń tilshisine bergen suhbatynda Hromtaý aýdanynyń ortalyǵynda jedel járdem brıgadasy kólikti orta jolda qaldyryp, júregi syr bergen naýqasqa qalaı jaıaý jetkenin aıtyp bergen edi.

Aıta keteıik, búgin Astanada «Eńbek salasyndaǵy áıelder: Jańa sheshimder ýaqyty» atty Qazaqstan eńbekshi áıelderiniń І forýmy ótip jatyr. Sharany uıymdastyrýshy – Qazaqstannyń kásipodaqtar federatsııasy.