Aqtóbede nan baǵasynyń ósýine baılanysty taldaý júrgiziledi

AQTÓBE. QazAqparat – Aqtóbe qalasynda nan baǵasy 2 teńgege ósti. Básekelestikti qorǵaý jáne damytý komıtetiniń oblystyq departamenti baǵanyń kóterilý sebebin anyqtaýǵa kiristi, dep habarlaıdy QazAqparat tilshisi.

Aqtóbe qalalyq kásipkerlik bólimi áleýmettik mańyzy bar taýarlardyń qunyn tekserip, nan baǵasynyń óskenin anyqtady.

«Aqtóbe qalasynda úsh iri kompanııa nan óndiredi. «Ramazan» JShS-i 15 qazannan bastap baǵany 80 teńgeden 82 teńgege kóterdi, «Aqtóbe nan» JShS-i 78 teńgeden 80 teńgege arttyrdy. Sonymen qatar «Atameken nan 2000» JShS-i 78 teńgege satyp jatyr. Bul nannyń shyǵarylym baǵasy. «Anvar» jáne «Lýchshee reshenıe» saýda núktelerinde nannyń baǵasy 69 teńge bolyp tur. «Dına» sýpermarketter jelisi ózderi pisiretin nandy 75 teńgege satyp jatyr», - dep habarlady qala ákiminiń baspasóz qyzmeti.

Básekelestikti qorǵaý jáne damytý komıtetiniń oblystyq departamenti nan baǵasynyń ósý sebebin anyqtaý úshin taldaý jasaýǵa kiristi.

«Nan óndiretin kompanııalarǵa suranys jiberildi, taldaý jasalady. Bul jerde 2 teńge asa qymbatshylyqqa jatpaıdy. Degenmen jyl basynan beri 5-7 teńgege deıin kóterilgen eken. Kásipkerler ózara baǵany kelisip kóterdi me degen suraqqa jaýap izdeımiz. Qujattardy saraptap, taldaý jasaımyz. Ózara kelisimmen, baǵany negizsiz kóterse shara qoldanylady», - Ulttyq ekonomıka mınıstrligi básekelestikti qorǵaý jáne damytý komıtetiniń Aqtóbe oblysy boıynsha departament basshysy Saǵyndyq Erǵalıev.