Aqtóbede Múslim, Muhammed, Mustafa atty úshem dúnıege keldi

<p>Aqtóbede úshem ómirge keldi. Olardyń esimi &ndash; Mýslım, Muhammed, Mustafa, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Aqtóbedegi perınataldyq ortalyqqa úshem ómirge keldi.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, Jarqyngúl Sataeva — Temir aýdany Shubarqudyq aýylynyń turǵyny.

Ol 12 qyrkúıek kúni tolǵaq qysyp, ortalyqqa jetkizilgen. Bosanýǵa erte boldy.

Bar bolǵany 31 apta dep eseptelip, dárigerler balalardyń ókpesin jetildirý úshin anasyna em júrgizdi.

«Anasy buǵan deıin tórt ret júkti bolyp, balalaryn aman-esen ómirge ákelgen eken. Al úshemdi bosanar kezde kesir tiligin jasaýǵa týra keldi. 13 qyrkúıek kúni tańda balalar ómirge keldi. Mýslımniń salmaǵy — 1700 gr, Mustafanyki — 1350 gr, al Muhammedtiń salmaǵy — 1470 gr. Sodan keıin anasy men balalary baqylaýǵa alynyp, qajetti kútim jasaldy. Anasy ózin jaqsy sezinedi. Al balalary salmaq qosyp jatyr», — dep habarlady oblystyq densaýlyq saqtaý basqarmasynyń baspasóz qyzmeti.

Búgin olar perınataldy ortalyqtan shyǵaryldy.

«Osymen 7 balanyń ákesimin. Ózim temirjolda jumys isteımin. Mashınıstiń kómekshisimin. Úshem ekenin ÝZD ótkennen keıin bildik, qýandyq. Naǵashylarymda bar egizder. Bizde úshem bolmady, birinshi ret. Áıelimniń arǵy atalarynda da egizder bar negizi. Ózim shynymdy aıtsam qýanyshtan basym aınalyp júr», — dedi úshemniń ákesi Áset Sataev. 

Onyń aıtýynsha, qazirgi kezde páteri bar, biraq apatty jaǵdaıda tur. Aýylǵa oralǵan soń ata-anasynyń janynda bolyp, keıin úı jaldap, bólek shyǵýdy josparlap otyr. 

Aıta keteıik, bıyl 9 aıda oblystyq perınataldyq ortalyqta 5600 áıel bosandy.

Onyń 76-y egiz. Sońǵy eki jylda munda 4 úshem ómirge kelse, onyń ekeýi — Temir aýdanynyń týmasy.