Aqtóbede munaı-gaz jáne mys óndirisiniń kólemi tómendedi

<p>AQTÓBE. KAZINFORM &ndash; Aqtóbede byltyr munaı men gaz jáne mys óndirisi tómendedi. Munaı-gazdyń tómendeýi qordyń, qysymnyń azaıýynan bolsa, mysqa suranys tómendegen.&nbsp;</p>

Aqtóbe oblystyq ındýstrıaldy-ınnovatsııalyq damý basqarmasy KAZINFORM-nyń suraǵyna jaýap berdi. 2023 jyly óńirde munaı óndirisi 4,7 mln tonnany qurady. 2022 jylmen salystyrǵanda 5,6% tómen. Al gaz óndirisi byltyr 5,1 mlrd tekshe metr bolsa, bul 2022 jylmen salystyrǵanda 4,1%-ǵa kem.

- Bul munaı óndirýdiń tabıǵı tómendeýinen, sýlanýdyń ósýi jáne «SNPS-Aqtóbemunaıgaz» AQ-y sekildi iri kásiporyndaǵy óndirý kóliminiń azaıýynan týyndap otyr. Sondaı-aq «Altay resources» JShS-i byltyr 8-naýryzda, «Ýrıhtaý Opereıtıng» JShS-niń 2023 jyly 30-maýsymda, «Qul-bas» JShS-niń 2023 jyly 16-qazannan bastap munaı óndirýdi toqtatty. Sebebi QR Energetıka mınıstrligimen aradaǵy kelisimshart merzimi aıaqtalǵan. «Altay resources» JShS-i byltyr qarasha aıynda, «Ýrıhtaý Opereıtıng» JShS-i byltyr jeltoqsanda jumysyn qaıta jandandyrdy. Qul-bas» JShS-i 2024 jyldyń sáýir aıynda jumysyn qaıta jalǵastyrmaq. Qazir QR Energetıka mınıstrligimen arada kelissóz júrip jatyr, - dep jazylǵan suraq jaýabynda. 

Sonymen birge byltyr mys óndirisi edáýir tómendedi. 2022 jyly 1 468,3 myń tonna, 2023 jyly 1 064 tonna mys óndirildi. Demek 27,3%-ǵa tómen. Muny mamandar suranys pen baǵanyń tómendeýinen dep túsindirdi. 

- «Aqtóbe mys kompanııasy» JShS, «Kopper Tehnolodjı» JShS-i myspen qatar mys-myrysh kenin óndiredi. 2023 jyly mys-myrysh kenin óndirý kólemi 37,5%-ǵa ósti. Jyl saıyn kompanııa ónim túrleri boıynsha jeke josparlaryn bekitedi, - dep habarlady Aqtóbe oblystyq ındýstrıaldy-ınnovatsııalyq damý basqarmasy.