Aqtóbede mol jaýyn-shashynnan egin qaıta kóktep ketti

<p><span style="font-family: sans-serif; font-size: 18px;">Aqtóbeniń Áıteke bı aýdanynda tolassyz jaýynnan soń egin qaıta kókteı bastady. Oblystyq aýyl sharýashylyǵy jáne jer qatynastary basqarmasy dándi keptirý úshin 157 tonna dızel otynyna tapsyrys berdi, dep habarlaıdy QazAqparat tilshisi.</span></p>

Elimiz boıynsha soltústik óńirlermen qatar Aqtóbeniń Áıteke bı aýdanynda da egin orý jumysy ýaqytsha toqtap qaldy.

Jańbyr saldaryn tekserý úshin arnaıy komıssııa barǵan kezde dánniń qaıta búr jaryp jatqanyn anyqtady.

«Bizdiń oblysty da qosýǵa ótinish hat jazdyq. Olarǵa beriletin jeńildik – prolongatsııa. ıAǵnı, alǵan nesıeni keıinge shegerý. Buryn da prolongatsııa jasalyp júrdi. Biraq aıyppuly boldy. ıAǵnı, nesıe keıinge shegerilse, tóleı almaǵandardyń, biz aıtatyn «qara tizimniń» qataryna kirip ketedi. Endi aıyppulsyz keıinge shegerý týraly usynys boldy. Ekinshiden «QazAgroQarjy» AQ arqyly keptirgish apparat alýǵa basymdyq berilýi kerek. Úshinshiden, sol keptirgishterge jeńildetilgen dızel otynyn beredi. Respýblıka boınysha 10 myń tonna dedi. Biz ózimizdiń suranysymyzdy berdik. 157 tonna. Komıssııa áli de qaraıdy. Bizde negizinen Áıteke bı aýdanynda ǵana másele bar»,- dedi Aqtóbe oblystyq aýyl sharýashylyǵy jáne jer qatynastary basqarmasynyń basshysy Qusaıyn Sársembaı.

Eske salsaq, Aqtóbeniń Áıteke bı aýdanynda egin orý jumysy toqtap qaldy.

Sharýalar aýdandaǵy egin alqabynyń 16 paıyzyn ǵana jınap úlgergen.