Aqtóbede mıtıng kezinde ustalǵandar bosatylyp, gaz baǵasy 50 teńge boldy
23:25, 04 Qańtar 2022
AQTÓBE. QazAqparat - Aqtóbelikterdiń mıtıng kezinde qoıǵan eki talaby da oryndaldy, dep habarlaıdy QazAqparat ákimdiktiń baspasóz qyzmetine silteme jasap.
Búgin Aqtóbede beıbit mıtıngke kelgender jergilikti atqarýshy organnan eki máseleni talap etti.
Birinshisi - mıtıng barysynda qamaýǵa alynǵandardy bosatý. Bul talap oryndaldy - ustalǵandar bosatyldy.
Ekinshisi - suıyltylǵan gaz baǵasyn arzandatý. Bul talap ta oryndaldy - suıyltylǵan gaz baǵasy 50 teńgege deıin tómendetildi.
Eske sala keteıik, Mańǵystaý oblysynyń Jańaózen jáne Aqtaý qalalaryndaǵy mıtıngten keıin Úkimet komıssııasy suıytylǵan gaz baǵasynyń lıtrin 50 teńgege deıin tómendetken bolatyn.
Osyǵan baılanysty Prezıdent demonstranttarǵa úndeý joldady.