Aqtóbede mektep oqýshylary erteń de sabaqty qashyqtan oqıdy

<p>AQTÓBE. KAZINFORM &ndash; Aqtóbe oblysynyń barlyq bilim berý mekemelerinde erteń de sabaq onlaın ótedi.</p>

Aqtóbe oblysy Bilim basqarmasy basshysynyń habarlaýynsha, 8 aqpan kúni de mektep, kolledjderde sabaq bolmaıdy. Balalardyń bári qashyqtan bilim alady. 

- Balabaqshalar jumys isteıdi. Keıbir ata-analar jumysta, sondyqtan olardyń balalardy qaldyryp ketetin orny bolmaýy múmkin. Degenmen balabaqshaǵa kelmegen balalardan anyqtama talap etpeıdi,- dedi Aqtóbe oblysy Bilim basqarmasy basshysy Jaıyq Sultan. 

M.Ospanov atyndaǵy Batys Qazaqstan medıtsına ýnıversıtetiniń stýdentteri erten aýa raıynyń qolaısyzdyǵyna baılanysty onlaın oqıdy.

Aqtóbe oblysy boıynsha barlyq baǵyttaǵy jol jabyq. Qazir polıtsııa kúsheıtilgen jumysqa kóshti.

Aqtóbe oblysy ákiminiń habarlaýynsha, 20-dan astam aýyl jaryqsyz qaldy.