Aqtóbede mamandar jaryqtyń sóný sebebin anyqtaý úshin birneshe shaqyrym jaıaý júrýge májbúr

<p>AQTÓBE. KAZINFORM - Aqtóbede jaryq sóngen aýmaqta jóndeý júrgizý úshin mamandar birneshe shaqyrym joldy jaıaý júrýge májbúr. Sebebi borandy kúni aqaýdy tabý qıynǵa soǵyp tur.</p>

Aqtóbeni elektrmen qamtamasyz etip, qyzmet kórsetip otyrǵan kommýnaldyq mekeme kúsheıtilgen rejımde jumys istep jatyr. Qazirgi kezde qalada shtab qurylyp, shaǵym qabyldap jatyr. 15 brıgadada 100-ge jýyq adam bar.

- Boranda sym qatty qozǵalyp, bir-birine tıip, tuıyqtalady. Sol kezde jaryq óship qalady. Habarlama elektr brıgadasyna kelip túsedi. Brıgada barǵan kezde tez arada jóndeı almaıdy. Aldymen aqaýdyń orny anyqtalýy tıis. Aqaýdy tabý úshin 10-15 shaqyrym jaıaý júrip, izdestiremiz. Qala ishinde jaǵdaı bar, al syrt jaqta dym kórinbeıdi,- dedi «Energosıstema» JShS bas dırektory Erjan Jeksembınov.

Elektr mamandary Aqtóbe qalasynyń Shanhaı, Máskeý, Qurmysh aýdandarynda, 312 atqyshtar dıvızııasy dańǵyly aýmaǵynda jóndeý júrgizdi.

Bas dırektordyń aıtýynsha, boryndy kúni bul aýmaqta taǵy da jaryq sónýi múmkin. Búgin kommýnaldyq mekeme myńǵa jýyq shaqyrtý alǵan.

- Halyq narazy. Biz ony túsinemiz. Bári bir ýaqytta qońyraý shalyp, «jaýap bermeı jatyr» dep aıtady. Dıspetcherler kúsheıtilgen rejımge ótti. Qazir ótinishter qabyldanyp jatyr. Barlyq top avarııalyq brıgada qataryna qosyldy. Aldymen abonenti kóp aýmaqtar iske qosylady. Keıde bir ǵana úıdiń jaryǵy sónedi. Jel basylmaı, bul jaǵdaı rettelmeıdi. Qosamyz, qaıta sónýi múmkin. Aqtóbelikterden jumysshylardyń eńbegin baǵalaýdy surap, sabyrǵa shaqyramyn. Sebebi qala mańynda baǵanalardy kórmeı jatyrmyz. Aýdandarda da 20-dan astam brıgada jumys istep jatyr,- dedi Erjan Jeksembınov. Altynaı Saǵyndyqova.