Aqtóbede malshyny baılap, qoı urlaǵan qaraqshylar ustaldy

AQTÓBE. QazAqparat - Aqtóbede medıtsınalyq betperde kıgen úsh adam sharýa qojalyǵynyń jumysshysyn baılap ketti. Qaraqshylar kóp uzamaı ustaldy, dep habarlaıdy QazAqparat tilshisi.

Polıtsııaǵa qaraqshylyq shabýyl jasalǵany týraly aqparat túsip, jedel ustaý sharasy ótti.

«Medıtsınalyq betperde kıgen adamdar sharýashylyq jumysshysyn pyshaqpen qorqytyp, keıin eki qolyn baılaǵan. Eki qoıdy alyp ketken. «Vaz» markaly kólikpen belgisiz baǵytqa ketip qaldy. Jedel ustaý sharasy kezinde Aqtóbe qalasynyń Aqjar eldimekeninen «Vaz 21012» markaly kólik toqtatyldy. Kólikten qoı men betperde tabyldy. Osy iske qatysty Qylmystyq kodekstiń «Qaraqshylyq» baby boıynsha is qozǵaldy», - dep habarlady oblystyq polıtsııa basqarmasynyń baspasóz qyzmeti.