Aqtóbede qyzmet kórsetý oryndaryndaǵy jumysshylarǵa vaktsına mindetteldi
Endi qyzmet kórsetý oryndarynda jumys isteıtin qyzmetkerler vaktsına saldyrýy tıis nemese apta saıyn PTR synamadan ótýi qajet.
«Halyqqa qyzmet kórsetý ortalyqtary, «Qazposhta» AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanııalary, jyljymaıtyn múlik jónindegi agenttikter, aıyrbastaý pýnktteri, lombardtar, sulýlyq salondary, halyq tutynatyn ónimderdiń jáne taýarlardyń kóterme jáne bólshek saýdasy obektileriniń, onyń ishinde bazar, saýda úıi, saýda jelileri, saýda-oıyn-saýyq ortalyqtarynyń, dúken, shaǵyn market, sýpermarket, gıpermarket, mádenıet jáne demalys obektileriniń, bilim berý jáne tárbıeleý uıymdarynyń, onyń ishinde bilim berý damytý jáne túzetý ortalyqtarynyń jumysshylary vaktsına saldyrýy nemese PTR testileýden ótýi tıis. 15 shildege deıingi merzimde (turaqty medıtsınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) vaktsınanyń birinshi komponentimen, 15 tamyzǵa deıingi merzimde COVID-19-ǵa qarsy vaktsınanyń ekinshi komponentimen egý uıymdastyrylsyn. Banket zaldarynyń (meıramhanalar jáne dámhana tıpi boıynsha kelýshilerge qyzmet kórsetý) qyzmetine tyıym salynady. Tek «ASHYQ» jobasyna qatysatyndarǵa ruqsat»,- dep jazylǵan Aqtóbe oblysynyń Bas memlekettik sanıtarııalyq dárigeri Nursulý Berkimbaevanyń qaýlysynda.