Aqtóbede qurylys materıaly qoımasyndaǵy órt sóndirildi

<p>AQTÓBE. KAZINFORM - Aqtóbe qalasy qurylys materıaly qoımasyndaǵy órt aýdany 650 sharshy metrge jetti. Órt sóndirýge 10 tehnıka jumyldyryldy.</p>

Qurylys materıaly qoımasyndaǵy órtti sóndirýge 60 adam jumyldyryldy. Aqtóbe qalalyq TJB Almaty aýdany TJB-nyń bastyǵy Aslan Arzymbetovtiń aıtýynsha, adamdar din aman, eshkim zardap shekpedi.

Aıta keteıik, órt saǵat 19:55 shamasynda tirkelip, saǵat 21:33-te sóndirildi.

«Órt sóndirýshilerdiń jedel áreketiniń arqasynda taýardyń janýyna jol berilmedi. Órt alańy – 650 sh.m. Órt shyǵý sebebi anyqtalyp jatyr», - dep habarlady oblystyq TJD baspasóz qyzmeti.

Eske salsaq, órt kezinde polıtsııa aýmaqty qorshaýǵa alyp, kólik júrisin shektedi.