Aqtóbede qurylys materıaldaryn saqtaıtyn qoıma janyp jatyr
21:01, 03 Mamyr 2024
<p>AQTÓBE. KAZINFORM — Aqtóbe qalasy Shyǵys bazary mańynda qurylys materıaly saqtalǵan qoıma órtenip jatyr.</p>
Aqtóbe oblystyq TJD baspasóz qyzmetiniń habarlaýynsha, oqıǵa ornynda órt sóndirýshilermen qatar Apattar medıtsınasy ortalyǵynyń qutqarýshylary men qyzmetkerleri jumys istep jatyr.
Ázirge órt sharpyǵan aýmaqtyń aýdany belgisiz.
Degenmen Aqtóbe qalasynyń eski bóliginde ótkir ıis bar.
Ári qara tútin aspandy basyp qaldy.
Saǵat 20:40–ta áli de ashyq jalyn kórinedi.
Munda polıtsııa joldardy bógep, órt sóndirý kólikteriniń kedergisiz jumysyna jaǵdaı jasalǵan.