Aqtóbede qurylys basqarmasyna jańa basshy taǵaıyndaldy

<p>AQTÓBE. KAZINFORM — Erjan Muzdybaev Aqtóbe oblystyq qurylys, sáýlet jáne qala qurylysy basqarmasynyń basshysy laýazymyna taǵaıyndaldy.</p>

Aqtóbe oblysynda uzaq ýaqyt boıy bos turǵan orynǵa jańa basshy taǵaıyndaldy.

2021 jyldyń sáýir aıynan bastap búgingi kúnge deıin Aqtóbe oblysynyń energetıka jáne turǵyn-úı kommýnaldyq sharýashylyǵy basqarmasynyń basshysy qyzmetin atqarǵan Erjan Muzdybaev endi oblystyń qurylys salasyna jaýapty. 

— Erjan Muzdybaıuly 1991 jyly dúnıege kelgen. Bilimi — joǵary. 2012 jyly Saqtaǵan Báıishev atyndaǵy Aqtóbe ýnıversıtetin, 2017, 2021 jyldary Qazaq-Orys Halyqaralyq ýnıversıtetin támamdaǵan. Eńbek jolyn 2012 jyly Aqtóbe oblysynyń energetıka jáne turǵyn-úı kommýnaldyq sharýashylyǵy basqarmasynyń ınspektory bolyp bastaǵan. Atalǵan basqarmada bas maman, bólim basshysy, basqarma basshysynyń orynbasary bolyp jumys istedi, — dep habarlady oblys ákiminiń baspasóz qyzmeti.