Aqtóbede kúnniń kúrt ózgerýine baılanysty jedel shtab quryldy

<p>AQTÓBE. KAZINFORM - Aqtóbe oblystyq tótenshe jaǵdaılar departamenti jedel shtab qurdy. Boranda adasyp ketkender qutqarylyp, joldarǵa ýaqytsha shekteý qoıyldy.</p>

Aqtóbe oblysynda keshe alǵashqy qar jaýdy. Al búgingi boranda birneshe jolǵa shekteý engizildi. Qazirgi kezde respýblıkalyq mańyzǵa ıe 5 joldyń birneshe bóligine ýaqytsha shekteý engizildi. Olar Aqtóbe - Atyraý tasjolynyń Aqtóbe qalasy men Baıǵanın aýdanynyń Qaraýylkeldi aýyly aralyǵy, Samara-Shymkent tasjolynyń Aqtóbe qalasy-Qarabutaq aýyly, Qarabutaq-Yrǵyz aýyldary aralyǵy, Aqtóbe-Mártók, Qandyaǵash-Emba-Shalqar-Yrǵyz baǵytynyń Shalqar-Qandyaǵash qalalary aralyǵyna ýaqytsha shekteý qoıyldy. Adasyp, qutqarylǵandar da bar. 

- 112 qyzmetine 1961 jyly týǵan er adamnyń joǵalyp ketkeni týraly habarlama kelip tústi. Ol tańerteń mal jaıýǵa shyǵyp, eldi mekenge óz betinshe jete almaǵan. Qarly boran kezinde baǵdaryn joǵaltqan er adamdy Muǵaljar aýdany Qandyaǵash qalasynyń mańynda qutqprýshylar taýyp alyp, aýylǵa deıin ertip bardy,- dedi habarlady Aqtóbe oblystyq TJD baspasóz qyzmeti. 

Sondaı-aq Aqtóbe oblystyq TJD jedel shtab qurdy. 

- Tótenshe jaǵdaı týyndaǵan kezde «112» nemese 54-86-82 nómirine qońyraý shalýǵa bolady. Qala turǵyndary men qonaqtaryn qala syrtyna jol júrmeýge jáne aýa raıy kúrt nasharlaǵan jaǵdaıda múmkindiginshe úıden shyqpaýǵa shaqyramyz,- dep habarlady Aqtóbe oblystyq TJD baspasóz qyzmeti. 

Eske salsaq, Aqtóbede bir kúnde 30 kólik soqtyǵysyp, 4 kólik aýdaryldy.